古法手作啫啫煲

上回講到Duck哥🦆係復活節假期🐰北上探店，難得一場去到梗係食多餐先返嚟啦😂。我地今次去咗春風路 凱悅華庭嘅匠傳咏粵。 餐廳位於深圳地鐵9️⃣號線向西村站隔嘅，如果睇地鐵圖，由羅湖去好似要轉好多條線🚉，但大家只要係國貿站落車，行過去只需1️⃣2️⃣分鐘。不過其實仲有個唔錯嘅路線，文末再同大家分享🤭。 匠傳點心相信唔少人都試過，但今次Duck哥🦆主要試下佢地嘅新菜式 - 古法手作啫啫煲🥘。 店內裝潢簡潔，座位非常闊落，一坐低Duck哥🦆就見成set泡茶茶具🫖，除咗茶壺和茶杯外，仲有茶夾、茶海、茶濾等，但係茶位費一啲都唔貴，大紅袍都只係¥10😍，又係我Duck哥🦆表演泡茶嘅時候..... 事實上係，Duck哥🦆搞錯咗成個步驟。店員忍唔住俾個set新嘅茶具我😔，包括茶葉🙈.....呢度嘅店員真係好好，又細心又勤快🥰。 雖然今次目標係試下佢地嘅啫啫煲🥘，但既然一場嚟到，冇理由唔試埋佢地嘅點心，尤其被譽為每19秒賣出一個嘅海參湯瑪瑙蝦餃皇🦐。 海參湯瑪瑙蝦餃皇 ¥59 蝦餃皮薄，蝦肉🦐餡料飽滿，口感爽彈鮮甜。海參湯材料豐富🥰，有軟彈的海參、雞爪及瘦肉，食時先加入鮮香的海參湯，連同蝦餃一齊食，鮮味倍增，唔怪得咁好賣😋。 香樁包 ¥25 包皮非常軟熟，香椿菜入口鮮嫩多汁😋。 鮮蝦脆筍炸春捲 ¥29 春捲炸得非常香脆🥰，蝦肉餡料飽滿，鮮香味美😍。 迷你糍粑油條 ¥21 外層香脆的油條包裡內層軟糯的糍粑🥰，加上表面灑上黑芝麻沙糖，味道香甜，口感豐富😋。 期待已久嘅啫啫煲終於登場😍，啫啫煲一共有1️⃣0️⃣款，我地今次試咗其中4️⃣款 沙薑啫家雞 ¥89 紫蘇啫牛娃 ¥59 啫啫乳鴿 ¥59 3️⃣款啫啫煲都用上蒜🧄、薑🫚、辣椒🌶及乾蔥爆香後，再加入主食材一齊熟，上枱時已經香氣四溢，味道十分香口惹味。主食材雞肉🐓鮮香，牛娃🐸嫩滑，乳鴿🐦肉味香濃，真係各有特色😋。 鹹蛋黃啫勝瓜 ¥39 勝瓜🥒味道鮮甜多汁，表面鋪滿鹹香蛋黃🥚，味道一流，鮮香味倍増😍。 大家下次去匠傳，除咗點心外，真係一定要是試下佢地嘅啫啫煲🥘。 後記：Duck哥🦆食飽飽諗住行遠少少去2️⃣號線嘅湖貝站，點知行唔夠6️⃣分鐘就到達，撘一個站已經到大劇院站；反方向嘅8️⃣路線，3️⃣個站就可以到蓮塘口岸，真係勁方便。 🦆匠傳（春風路店） 📍深圳 - 羅湖區春風路2047號凱悅華庭201-202(向西村地鐵站B口旁20米） #深圳好去處#深圳#福田美食#美食深圳#美食探店#深圳探店#深圳美食#匠傳點心#深圳手工點心#廣式茶點專門店#深圳雞煲#古法手作啫啫煲 #沙薑啫家雞煲#啫啫大腸煲#啫啫魷魚鬚煲#foodphotography #foodiehk#hkfoodie#hkfood#ufoodphoto #foodporn#foodblogger#yummy#foodreels#foodvideo#instafood#eatwithfoodiez#hkblogger 撰文 & 影片：@hoeat_duck